Os penaltis definen o XXX Trofeo Concello de Ribadumia

#pretempada #trofeoconcelloderibadumia #alondras #nando

O CD Ribadumia e o Alondras CF ofreceron un partido moi intenso e atractivo para o espectador neutral. Malia comezar perdendo, o equipo aurinegro foi quen de empatar o encontro cun fermoso gol obra de Nando.

Rematado o tempo regulamentario, os lanzamentos dende o punto de penalti decidiron o vencedor desta edición do Trofeo organizado polo Concello de Ribadumia. A sorte foi para o conxunto cangués.

Esta semana, dobre ración de fútbol de fin de semana para o plantel sénior, con un encontro fóra da casa o sábado, e un amigable moi especial o domingo.